 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Вёслы мае разрываюць ноч
Чорнай азёрнай вады.
Іскра агню мне міргае: «Ня збоч
І прыплыві сюды».
І ўяўляюцца ў зьявах асеньняй тугі
Валасы, цеплыня грудзей...
А ў затоках дрыжаць і дрыжаць сітнягі
Ў бясконцай асеньняй вадзе.
Ветравей, ты падзьмі над няўтульнай вадой,
Панясі над прадоньнем начным,
Каб хутчэй у абдымках каханай маёй
Я прачнуўся ў ложку маім.
30.XI.1970.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
